ASTMA

C’eshte astma?
Astma eshte nje semundje inflamatore kronike e rrugeve te frymemarrjes, pavaresisht nga graviteti i saj.
Astma eshte nje nga semundjet kronike me te shpeshta ne bote, e cila imponon nje barre te rendesishme sociale si te femijet, ashtu edhe te te rriturit.
Astma eshte nje semundje e trajtueshme dhe e parandalueshme.
Inflamacioni bronkial ne astme perfshin nje sere mekanizmash, si faktoret personale qe perfshijne predispozicionin gjenetik, ashtu dhe faktoret e mjedisit(alergenet brenda dhe jashte shtepise ,infeksionet virale te rrugeve te frymemarrjes, etj)
Shenjat e astmes
Diagnoza klinike e astmes shpesh bazohet ne shenja te tilla si marrja e frymes episodike,fishkellima dhe shterngimi i gjoksit.
Ne vendosjen e diagnozes ndihmon shume karakteri sezonal i shenjave te astmes dhe nje histori pozitive familjare per astme ose semundje te tjera alergjike.
Diagnoza dhe diagnoza diferenciale e astmes
Duhet te theksohet se vendosja e diagnoses se sakte te astmes eshte e domosdoshme, per te marre terapine e duhur medikamentoze.
N.q.s nje i semure ankon per marrje fryme qe sa vjen e rendohet ose shfaqet here pas here duhet te vizitohet tek mjeku per te perjashtuar dhe diagnozen e astmes.
Shume paciente perpara se te konsultohen me mjekun tolerojne shenja respiratore te perseritura. Kjo con me diagnostikimin me vonese te astmes dhe rendimin e gjendjes te te semurit.
M.q.s astma si shkak i fishkellimes eshte me e shpeshta duhet te kemi parasysh gjithmone thenien: ”Te gjitha gerhitjet (fishkellimat) jane astme, deri sa te provohet dicka tjeter.
Astma eshte nje nga shkaqet me te shpeshta te shenjave te semundjeve te aparatit te frymemarrjes, por ka dhe semundje te tjera qe japin shenjat e astmes si infeksionet respiratore akute, sidomos ne femijet, inhalimi i trupave te huaj, semundjet kronike te mushkerive etj.
Parandalimi i astmes
Astma eshte nje semundje kronike me ndikim te rendesishem mbi te semuret, mbi familjet e tyre dhe shoqerine. Megjithese nuk ka nje mjekim kurues per astmen, manaxhimi i drejte shpie me shpesh ne kontrollin e kesaj semundjeje.Bashkepunimi me mjekun eshte nje tregues i rendesishem per mbajtjen nen kontroll te shenjave te semundjes.Ndalohet duhanpirja aktive dhe pasive.

Te ndalohet ose te pakesohet ekspozimi ndaj faktoreve alergjike qe shkaktojne astmen si pluhurat e shtepise, ushqimet dhe konservantet ushqimore, alergenet e tjere te zakonshem etj.